Responsive Ads Here

Wednesday, 15 August 2018

Railway station ke bad Airport: Yogi sarkar ka 3 nam badalne ka prastav

Aitihasik Mughalsarai  Railway station ke bad UP ki Yogi sarkar ne Aagra, Bareli aur Kanpur Hawai addo ka nam badalne ki taiyari me hai. es bare me Rajya ke Nagrik Uddayan Vibhag ne kendra ke pas prastav bheja hai.


Mughalsarai Railway station ka nam Pandit Dindyal Upadhyay ke nam par rakhe jane ke bad UP  ki Yogi sarkar ne kendra se Aagra, Bareli aur Kanpur  Hawai addo ka nam bhi badalne ka prastav kiya hai.



ek adhikarik Pravakta ne bataya ki Rajya Nagarik Uddayan Vibhag ne ek prastav me Aagra Hawai adde ka nam Dindyal Upadhyay ke nam par rakhne ke alava Bareli Hawai adde ka nam 'Nath Nagri' ke nam par rakhne ko kaha hai jo es Shahar ka purana nam bataya jata hai.


eske sath hi Kanpur ke Chakeri Hawai adde ka nam Swatantrata Sangram Senani Ganesh Shankar Vidyarthi ke nam par rakhe jane ka prastav hai. prastav me kaha gaya hai ki Kanpur ko pahle Kanhapur ke nam se jana jata tha aur Sachendi Raja Hindu Sinh ne eski sthapna ki thi.


Nath Sampraday se talluk rakhne vale sube ke Mukhyamantri Yogi Aadityanath ne Gorakhpur me Bhartiy Vayusena ke Hawai adde ke civil tarminal ke nam me badlav kiya tha. eska nam Mahayogi Gorakhnath ke nam par rakha gaya tha jo nath Panth ke sansthapak the. mukhyamantri Yogi Nath Sampraday ki Aastha ke sabse bade kendra Gorakshnath Pith ke Mahant bhi hain.


Pradesh ke Nagrik Uddayan Mantri Nand Gopal Nandi ne kaha ki en tino Hawai addo ka nam badle jane ki mang arse se ho rahi hai. unhone kaha ki hamne en Hawai addo ke nam badalne ke liye kendra Sarkar se Aagrah kiya hai. es bare me Nagrik Uddayan Mantralay ke adhikariyo ke sath jald hi baithak hone ki sambhavna hai.


 Bata de ki hal hi men Aitihasik Mughalsarai junction ka nam ekatmak Manavvad' ka sandesh dene vale Rashtriya Svayag Sevak Sangh ke vicharak Dindyal Upadhyay ke nam par rakha gaya tha. Mughalsarai station ka nirman 1862 me east india company ke jamane me kiya gaya tha. es station ke nirman ke 106 sal bad 11 February 1968 ko Pandit Dindyal Upadhyay Railway junction ke nikat poll sankhya 1276 ke pas Rahasyamay halat me Mrit avastha me paye gaye the.

Hindi News se jude update  our News lagatar hasil karne ke liye hamare sath Facebook Page our Twitter handale ke sath Google Plus par jude

Tuesday, 10 July 2018

Mumbra Ke SR PI Kishore Pasalkar Ne Bulaya Mumbra Market Ke Hawkers Ko



Mumbra Ke SR PI Kishore Pasalkar Ne Bulaya Mumbra Market Ke Hawkers Ko


Aaj Mumbra Police Stn Ke SR PI Kishore Pasalkar Ne Mumbra Market Ke Hawkers Ke Sath Ki Special Meeting.

Meeting Me SR PI Kishore Pasalkar Ne Kuch Questions Kiye Aur Hawkers Ne Uska jawab diya.

Question No 1 - Aisa Kya Maamla Pesh Aaya Ke Aap Logo Ne Interview Diya ?*
Answer - Humari Rozi Roti Ko Todney Ki Baat Ki Gayi Thi ISI Liye Humlogo Ne Naarazgi Zaahir Ki.*

Question No 2 - Kya Aaplog Chahte Hai Ke Aapki Market Par Log Raajneeti Kare ?*
Answer - Nahi Humlog Sirf Waha Rozi Roti Kamakey Apne Bacho Ka Pet Paaltey Hai.*

Aakhir Me Hawkers Ne Yeh Request Ki Ke Hamari Market Takreeban 40 Yrs Purani Hai.

Humlogo Ko Koi Legal Hawkers Zone Bana Diya Jaye, Taakey Hum Sukoon Se Kaam Kar Sake

Tuesday, 26 June 2018

BJP ko Gujrat dange, Babri Masjid vidhvast aadi ghatnao ko bhi karna chahiye yad : Owaisi



Owaisi ne Patrakaro se kaha ki BJP 43 sal bad apatkal ko yad kar rahi hai, mujhe ummid hai ki ve 2002 Gujrat dango, 6 December ka Babri Masjid Vidhvast, Sikh virodhi dango aur Rashtrapita Mahatma Gandhi ki hatya ko bhi yad karege...



Hydrabad: aapatkal ke 43 sal pure hone par BJP dvara Congress par nishana sadhne ke bich AIMIM ke adhyaksh Asaduddin Owaisi ne kaha ki BJP ko aaj Mahatma Gandhi ki hatya, Gujrat dango aur Babri Masjid vidhvast ki ghatnao ko bhi yad karna chahiye.


Owaisi ne Patrakaro se kaha ki BJP 43 sal bad apatkal ko yad kar rahi hai, mujhe ummid hai ki ve 2002 Gujrat dango, 6 December ka Babri Masjid vidhvast, Sikh virodhi dango aur Rashtrapita Mahatma Gandhi ki hatya ko bhi yad karenge.


unhone aarop lagaya ki Rajag shashan ke adhin ‘‘aghoshit apatkal’’ laga hua. Owaisi ne kaha 2019 Loksabha chunao me shetriya partiyo ki mahatvpurn bhumika hogi.

Sunday, 29 April 2018

Talak na hone ke liye Mumbra me samupadeshan shibir




Mumbra:Badli hui mansikta,Samaj me rehne ka tarika,hamesha logoki soch badalti ja rahi hai,our thodi thodi vajah se Talak (Ghataspot) ke praman badhate ja rahe hai.
ye na ho isliye Vivah karne wale
Our desh bhar me jinke vivah ho chuke hai,ayse navvivahtiyo  ke liye Jamate Islami-a-hind ki our se
Rajya me jagah jagah par Samupadeshan Shibir aayojit ki jane vali hai.
Our isaka shubharambh Raviwar (6May) ko Mumbra me se hone vala hai.
Khadi Mashin road ke pas 1 privet sabhagruh me Raviwar subha 10 se Dopahar 1:30 baje tak hone vale is shibir me alag alag jagah ke tadnya Margdarshan karne vale hai.
Talak ke badte parinam ki vajah se chote bacho ki mansikta par asar ho raha hai.
Talak ke liye jo mudde aage aa rahe hai vo bohot chote our ajib hai.
Lekin is mamle me man me Talak ki badhat.our apne sathi ki sunane me manai. ye mansikta bohot bar Talak tak le jati hai.aysa Jamat-a-Hind ko laga

Saturday, 28 April 2018

BRD Oxygen kand: jel se bahar aane par bole Doctor Kafil, maine vahi kiya jo ek Hindustani karta



Gorakhpur(UP): BRD Medical College me pichle sal Oxygen ki kathit kami ki vajah se bacho ki maut hone ke silsile me karvai ka samna karne vale Doctor Kafil Khan shanivar ko jel se bahar aa gaye. 

BRD Medical College men Khan Nodal Adhikari the. jel adhikshak ne bataya ki Khan ko shanivar sham jel se riha kar diya gaya kyoki allahabad high court ne budhvar ko unki jamanat manjur kar li thi. aavashyak prakriya ke karan riha karne men vilamb hua.


jankari ke anusar Khan ne jel se bahar aane ke bad kaha ki manniya high court  ne spasht kaha hai ki unke khilaf koi sabut nahi hai. pichle 8 mahine me unke pariwar ne kya kuch saha hai, sabko pata hai. unhone kaha ki mujhe pata nahi ki meri galti kya hai. koi Pita, koi Doctor aur koi Hindustani kya aisa kar sakta hai. kabhi nahi.


yah puche jane par ki ghatna ke liye doshi kaun hai, Khan ne kaha ki vah eska jikr apne Khat me kar chuke hain. gaurtalab hai ki Khan ne Khat me kaha tha ki Oxygen aapurtikarta ko bhugtan nahi hua tha kyoki eske liye dhan jari nahi kiya gaya tha. August 2017 me 60 se adhik bacho ki Oxygen ki kathit kami ke chalte Hospital me maut ho gai thi.

Friday, 27 April 2018

Kathua case: Sanji Ram ne mana- 'Bakarval Samuday ko darana chahta tha'



Jammu our Kashmir ke kathua me 8 sal ki bachi ki gang rep ke bad hatya mamle me mukya aaropi Sanji Ram ne bachi ki hatya ka jurm kabul kar liya hai. 

sath hi usne mamle ki jach kar rahi Crime Branch ki team ko bataya ki usne apne bete ko bachane aur Bakarval Samuday me dar paida karne ke liye bachi ki hatya ki thi.

Sanji Ram ne bataya ki jab use pata chala ki uska ladka bhi Ghumantu Bakarval samuday ki ladki ke sath rep me shamil hai, 

tab usne apne bete ko bachane aur Ghumantu Bakarval samuday me dar paida karne ke liye bachi ki hatya kar di. 

Crime Branch ke sutro ne bataya ki Sanji Ram ne janchkartao ko bataya ki use bachi ke sath rep hone ki jankari ghatna ke char din bad mili.
sutro ke mutabik, 'jab Sanji Ram ko yah pata chala ki uska beta Vishal bhi ladki se dushkarm karne valo me shamil hai to usne phaisla kar liya ki pidita ko ab jivit nahi choda ja sakta.' 

janchkartao ke samne huve khulase ke anusar, ek anya nabalig aaropi yani Sanji Ram ke bhatije ne bachi ka apaharan karne ke din 10 January ko pahli bar uske sath rep kiya tha.


Crime branch ke sutro ne bataya ki bhatije ne Sanji Ram ko bataya ki uske bete Vishal ne bhi pidita se rep kiya hai. es khulase ke bad pidita ki hatya karne se Sanji Ram ko apne do maksad pure hote nazar aye. 

ek to vah Ghumantu bakarval samuday ko gaon se bahar Bhagana chahta tha aur use apne bete ko bhi jel jane se bachana tha. sabut mitane ki vajah se usne bachi ki hatya kar di.


janchakartao ke mutabik, Sanji Ram ne pidita ka shav thikane lagane ke liye apne ek dost se car bhi mangai thi. jab uske dost ne car lane me asamartha jatai to Sanji Ram ne apne bete aur anya aaropiyo se shav ko mandir se dur kahi phek dene ke liye kaha.

bachi ka shav milne ke bad jab mamla Police tak pahucha to Sanji Ram ne Sabut mitane ke liye do Police karmiyo ko 4 lakh rupaye ki rishwat bhi di. Crime branch ne rishwat lene vale dono Police karmiyo ko bhi abhiyukt banaya hai. mukhya aaropi ne khulasa karte huve kaha ki pidita ko shant rakhne ke liye ve use bhang pila dete the.

Thursday, 26 April 2018

Mumbai me ab 24 ghante khuli rahegi dukane, governor ne di manzuri




Mumbai me shopping mall aur anya retail store 24 ghante khule rah sakte hai.

Mumbai me 24 ghante dukane kholne ka rasta saf ho gaya hai. Maharashtra ke Rajyapal Vidyasagar Rao ne esse jude bill ko manzuri de di hai. es mamle me jaruri Notification jald jari kar diya jayega. eske sath hi yah lagu ho jayega. eske bad shopping malls aur anya retail store 24 ghante khule rah sakte hai.
kuchh sharton our niymo ka karna hoga palan
24 ghante dukane chalane ke liye kanun me tay sharton ko pura karna hoga. dukandaro aur malls ko Police ki manzuri leni hogi. dukano aur malls me CCTV Camere lagane hoge. sath hi eske liye atirikt karmchariyo ko bhi rakhna hoga.
abhi 10 baje tak hi khuli rahti hai dukane
abhi tak Mumbai me dukane rat 10 baje tak hi khuli rahti hain, jabaki hotel-restraint aadhi rat tak khule rah sakte hain.

dukandaron ki hai mili-juli pratikriya

es faisle par Mumbai ke dukandaro aur grahkho se mili-juli pratikriyaa mil rahi hai. vahi Mumbai me 24 ghante dukane khuli rakhne ke phaisle ka Dilli me bhi svagat ho raha hai. dukandaro ka kahna hai ki es faisle se karobar men achchaa asar dekhne ko milega. vahi grahko ka manna hai ki agar suraksha milegi to yah achcha faisla sabit hoga.

Saturday, 24 February 2018

TMC Sorahi hai? Lucky Compaund jaisa Hadsa fir se hoga Mumbra me?* - ๐Ÿ‡ฎ๐Ÿ‡ณ *24x7MBN* ๐Ÿ‡ฎ๐Ÿ‡ณ


*TMC Sorahi hai? Lucky Compaund jaisa Hadsa fir se hoga Mumbra me?* - ๐Ÿ‡ฎ๐Ÿ‡ณ *24x7MBN* ๐Ÿ‡ฎ๐Ÿ‡ณ

*Mumbra:* Illegal Construction fir se start hota nazar aaraha hai, lekin TMC shayed illegal construction ko legal kardiya hai?

๐Ÿ‘‰Khule aam illegal construction Mumbra, Kausa aur shilphata me ho rahe hai.

๐Ÿ‘‰Lucky Compaund Hadase me sekado ki jaan gayi thi uski zimmedar TMC hi thi jo illegal construction ko roka nahi aur uske baad ye haadsa hogaya.

๐Ÿ‘‰Wahi Lucky Compaund ke paas ek illegal Building ka Nirman horaha hai lekin shayed TMC ko kano kan khabar nahi hai.

๐Ÿ‘‰TMC Sirf hawkers ko hi pareshan karne me lagi hai jabki Mumbra ke hawkers ko abhi tak koi jagah nahi di gayi hai.

๐Ÿ‘‰Bholenath me bhi illegal construction horaha hai wo bhi raat me, waha ke logo ko pareshani ka samna bhi karna padh raha hai waha bhi TMC ki koi karewayi nazar nahi aarahi hai.

๐Ÿ‘‰Kya TMC Zimmedar nahi hai to kon banega Zimmedar?

๐Ÿ‘‰ Kya TMC Sirf Hawkers ki Zimmedari lene ke liye hai bas?

Tuesday, 13 February 2018

chinese company xiaomi bani India ki nomber 1 smartphone brand Samsung 2 nomber pe


Indian smartphone market teji se badh raha hai aur smartphone users ki tadad pahle se kahi jyada hui hai. kya aap jante hai ki india me kaun si smartphone nirmata company nomber 1 brand bankar ubhri hai? aapko bata den ki chin ki Electronic company xiaomi India ki nomber 1 smartphone brand ban gai hai.


Reports ke mutabik xiaomi south korean Electronic company Samsung ko Indian smartphone market me kadi takkar de rahi hai. India me popular smartphone brand ki ye Deta, International Data Corporation "IDC" ki taraf se jari ki gai hai.

Research farm "IDC" ke mutabik, 'xiaomi ne Samsung ki barabari kar li hai. xiaomi aur Samsung ke Market Share barabar hai.' Reports me kaha gaya hai ki 2017 ki tisri timahi me xiaomi India ki nomber 1 smartphone brand ban gai hai.


Report me ye bhi kaha gaya ki pichle mahine Counter Point Research aur analice ke anusar, xiaomi aur Samsung ke bich me 0.5% se 1% tak ka Reaching Distence tha, jise xiaomi ne jald hi cover kar liya.


tisri timahi me 23.5 fisdi market share aur 92 lakh smartphone ke sath xiaomi nomber 1 smartphone brand ban gai hai. xiaomi ne 1 sal me 300 fisdi groth hasil ki hai. 20 Desember se 19 October ke bich record 40 lakh smartphone beche hai.


aapko bata de ki xiaomi ki sabse jyada bikne vale model me Redmi not 4, Redmi 4 aur Redmi 4a smartphone shamil hai.

yad ho ki chinese company xiaomi ne 2014 me Indian smartphone market me kadam rakha tha. ab online smartphone market me xiaomi ne 51 fisdi market share hasil kiya hai.

Tuesday, 6 February 2018

Asaduddin Owaisi ki Narendra Modi sarkar se mang- hame Pakistani kahne valo ko 3 sal jel me rakhiye



All India Majlis-e-Ittehadul Muslimeen. Ke President aur Haidrabad se sansad Asaduddin Owaisi ne Muslimo ke hak me ek kanun banaye jane ki mang ki hai. unhone sarkar se mang ki hai ki Bhartiy Muslim ko Pakistan kahne par tin sal ki saja diye jane ka kanun banaya jaye. Mangalwar (6 January 2018) ko AIMIM chief ne kaha ki sarkar es mudde par bil laye.

Loksabha me bolte huve Owaisi ne kaha, ‘aisaa kanun banaya jaye jisme kisi bhi Hindustani Muslim ko Pakistani kahne par tin sal ki saja di jaye lekin kendra me BJP ki sarkar aisa bil nahin layegi.’ Haidrabad sansad ne aage kaha ki Bharat me jo Muslim hai unhone Mohammed ali jinna ki do Rashtra vali tyori ko puri tarah nakara hai lekin aaj bhi Hindustani Muslim ko bahari samjha jata hai.



gaurtalab hai ki Owaisi ne pichhle dino Hariyana me Kashmiri chatro se marpit par Mukyamantri Manohar Lal Khattar par nishana sadha tha. unhone kaha ki Khattar sarkar me prashasan sanvidhanik zimmedariyan nibhane me buri tarah fail huve hai. Rajya sarkar logo ko suraksha bhi nahi de pa rahi hai. Sube me do Kashmiri chhatro ko Masjid ke bahar buri tarah pita gaya hai.

Owaisi ne tab aage kaha tha, ‘mai chhatron ke sath hui marpit ki kadi ninda karta hun. Kashmir Bharat ka abhinn ang hai aur hamesha yah Bharat ka hi rahega. aise me ham Kashmiri logo ko kya sandesh de rahe hain? unapar hamla karne vale log kaun hain? Hariyana Sarkar logo ko suraksha dene ke bajay ek vishesh vichardhara par kam kar rahi hai.’