Tuesday, 24 October 2017

Bahen ko Scooty gift karna chahta tha Bhai showroom pahucha to hairan rah gaya staff


Diwali ke din shahar ka ek scooter company ka showroom band hone hi vala tha ki 13 sal ka ek bacha apni bahen ke sath dakhil hua. donon ne hathon men bag le rakhe the. 62 hajar rupaye ke sikke lekar Yash badi bahen Rupali ke lia scooter kharidne aaya tha. etne sikke dekhakar showroom karmchari hairan rah gaye. ek baar to scooter dene se mana kar diya. jab Yash ne puri kahani sunai to showroom manager ko razi hona pada.

8th men pdhne vala Yash aur uski bahen Rupali 2 salo se pocker money jama kar rahe the. Yash ke Pita ki aata chakki hai. donon ko pocket money sikkon men hi milti thi. jab not bhi milte to ve es dar se sikkon men badalva lete ki kahin kharch ho na jai. jab 62 hazar rupaye jama ho gaye to dono scooter lene pahunch gaye. Mata-Pita ko surprise dena chahte the, esliye Mama ko sath liya.


Honda ke general manager ne bataya ki yah hamare liye pahla aisa mamla tha, jab koi pura paisa sikkon ke rup me lekar scooter kharidne aaya. esse pahle ek bar ek shakhs 29 hazar rupaye sikkon ke rup men layaa tha. yah pura mamla emotional tha, esaliye hamne extra time lekar showroom Yash aur uski bahan Rupal ke lia khole rakha. pure staff ne baithkar do-dhai ghanton me sikkon ko gina.


No comments:

Post a Comment