Responsive Ads Here

Wednesday, 25 October 2017

Mumbai ko naye saal Me milega Railway ka tohpha, shuru hogi AC suburban train


Mumbai me agle sal se Railway AC suburban train chalane ja rahi hai. Rail Mantri Piyush Goyal ne yah jankari New Delhi men Patrakaron se ek batchit me di. unhone kaha train ke kiray ke bare me abhi vichar vimarsh kiya ja raha hai aur jald hi es par phaisla kar liya jayega. eske alava Rail Mantri ne yah bhi bataya ki Mumbai men elevated Railway tracks bichane ke liye sarve ka kam pura ho chuka hai aur es tarah ke track bichane se logon ko kaphi sahuliyat hogi.

Rail Mantri Piyush Goyal ne bataya ki hal hi men Mumbai main Railway station par FOB mein machi bhagadad ki vajah se logon ki maut ho gayi thi. yah kafhi durbhagyapurn hai lekin es ghatna ke bad Railway ne Mumbai mein railway station par bhid ke liye jyada se jyada accelerators lagaane ki taiyari kar li hai. yahan par 370 accelerator lagaane ki ruprekha taiyar kar li gayi hai aur Railway jald hi es kam ko pura kar lega. eske alava es tarah ki ghatna dobara na ho eske lia railway ne zonal aur divisional level par aur jyada adhikar de diye hain. chhoti-chhoti chizon ke lia divisional aur zonal level ke phaislon ko mantralay tak lane ki jarurat nahin padegi. Rail Mantri ne bataya Mumbai men char ADRM niyukt kiye jayege esse rail prashasan ko chalane men aasani hogi.

Darasal Mumbai me local train ko jivan rekha mana jata hai aur es par 65 lakh log rozana savari karte hain. Mumbai ki westarn lain par 35 lakh rail yatri rozana saphar karte hain. Mumbai me chal rahi local trains AC trains nahin hai aise me yah mang lagatar ki jaati rahi hai ki trains ki sankhya badhaai jaye aur jyada sahuliyat vaali asi trains chalai jayen. hal hi me Mumbai me AC local trains ka trial hua hai ab en trains ko naye saal se alag-alag route par chalaye jane ki taiyari railway ne shuru kar di hai. railway ke sutron ke mutabik western line par 1st January se pahle 7 trains shuru ki jayengi.

No comments:

Post a Comment