Saturday, 21 October 2017

Mumbai me phir shuru hui raj thakre ki gundagardi, Pherivalon ko dauda-dauda kar pita

Parprantiy virodh ki rajniti karne vaale Raj thakre ki Party Maharashtra Navnirman Sena ne phir gundagardi shuru kar di hai. Shanivar ko MNS ke karyakartaon ne Thane aur Kalyan Railway station parisar ke bahar avaidh pherivalon ko jamkar pita aur unke saman phenk dia.

Isi dauraan Police Mukdarshak bani rahi. halanki khanapurti ke lia Police ne MNS ke 7 karyakartaon ke khilaph mamla darj kiya hai lekin kisi ki giraftari nahi hui hai. 

Elphinstone Road (Prabhadevi) pul hadse ke bad Raj Thakre ne chetavni di thi ki agar 15 dinon me Railway stations ya pulon par Pherivalon ko nahin hataya gaya to MNS apnes me unhen sabak sikhaya gi.

ultimatum ki samyavadhi samapt hone ke baad shanivaar ki subah Thane shahar MNS adhyaksh Avinash Jadhav aur Pramukh Sandip Panchange ke nettrutv me MNS ke karyakarta Thane Railway station ke aaspas jhande aur dande lekar pahunche. kaaryakartaon ne pherivalon ko dauda-dauda kar Pita aur unke saman ko phenk diya.

Isi tarah Kalyan Railway station parisar me bhi pherivale pite gaye. achanak hua Iss hungame ke karan kuchh der ke lia Railway station par bhagadad ki isthiti ban gayi. lekin, Police maun bani rahi.

Is sambandh me Thane Police ke Pravakta inspector Sukhdaa Narekar ne kaha ki nagar Police Thane me aaropiyon ke khilaph shikayat darj ki gayi hai. Filhal kisi ko giraftar nahin kiya gaya hai.

Bhukhamri ke kagar par 5 Hazar pherivaale

Railway Police ne West aur Central Railway station parisar me pherivalon par puri tarah rok laga di hai. Isse churchgate se surat, Chhatrapati Shivaaji Maharaj tarminas se Karjat aur Kokan Railway ke station par dhandha karne vaale karib 5 Hazar pherivale bhukhamari ke kagaar par pahunch gaye hain. Inme adhikansh pherivale Uttar Pradesh aur Bihar ke hain.

Sarkar aur MNS ki milibhagat se pherivalon ki pitai

Mumbai Congress Adhyaksh Sanjay Nirupam ne kaha ki MNS karyakartaon ko kanun hath me lene se rokne ke liye koi Ehatiyaati kadam nahin uthaye gaye.
Esse saaf hai ki Phadanvis Sarkaar aur Raj Thakre me milibhagat hai. 

No comments:

Post a Comment