Friday, 27 October 2017

Shivsena-Raj Thakre ko pasand aane lage Rahul, badlega maharashtra mei Modi ka samikaran?


Maharashtra ki Rajniti men naya gul khilne laga hai aur eski mahak aane lagi hai. Mumbai men guruwar ko aajatak ke karyakram Mumbai Manthan men BJP ki svabhavik sahyogi parti mane jane vali Shivsena ke neta Sanjay Raut aur Maharashtra Navanirman Sena ke pramukh Raj Thakre (MNS) ne khulkar eska ejhar kiya hai. Raut ne Congres upadhyaksh Rahul Gandhi ki lidarship ki jamkar sarahnaa ki, to Raj Thakre ne kaha ki Rahul Gandhi ko Pappu kahne valon ko unse dar lagne laga hai.

Mumbai Manthan ke BJP banam Shivsena seshan men Raut ne kaha ki Gujrat men Rahul Gandhi ko sunne ke lia bhari bhid umad rahi hai. janta kisi ko bhi Pappu bana sakti hai, Rahul Gandhi ab Pappu nahin hain. Rahul Gandhi kya bolta hai, kya karta hai. kisse milta hai. usmen es desh ki jantaa ruchi lene lagi hai. eska matlab hai ki Rahul Gandhi bhi es desh ko lidaraship de sakte hain.

Raut ke sath hi Maharashtra Navnirman Sena ke neta Raj Thakre ne bhi Rahul Gandhi ki tariph ki aur kaha ki jis vyakti ko BJP Pappu-Pappu kahti rahi, aaj vo Gujrat men jhappu ban gaya hai. unki rayli men jitne log aa rahe hain. usse darkar Pradhanmantri 8-8 baar 9-9 baar Gujrat ja rahe hain.



Thakre ne kaha ki aap etne salon tak Rahul Gandhi ko apmanit karte rahe aur ab vahi aadmi Gujraat jaa raha hai, to aapko dar kyon lag raha hai. usi aadmi ke pichhe hazaron-lakhon log khade ho rahe hain, to dar kyon lag raha hai. BJP ke etne Mukhyamantri kyon jaa rahe hain.

hal ke varshon men yah pahli baar tha jab ek sarvajanik manch se Shivsena aur Raj Thakre ne Congress upadhyaksh ki khulakar etni tariph ki hai. Maharashtra men BJP ke sath Shivsena ke rishte ko dekhte hua Sanjay Raut ka bayan Rajya ki siyasat mein karpet ke niche hone vali halachal ki nishandehi karta hai.

yah bat dhyan rakhne vali hai aur aisi kayi sari khabren bhi aai hai ki Maharashtra men BJP vipakshi parti Rashtravadi Congress Parti (NCP) ke sath apni najdikiyan badha rahi hai. Mumbai Manthan men hi Maharashtra ke Mukhyamantri Devendra Phadanvis ne NCP pramukh Sharad Pawar ki tariph ki aur kaha ki Pawar sahab kabhi vikas ke khilaph nahin rahe. jahir Phadanvis ka nishanaa shivsena aur Uddhav Thakre the.

Shivsena lagatar Rajy sarkar ki nitiyon ka virodh karti rahi hai. ek tarah se kaha jaye to BJP ke sath satta men rahte hua Shivsena rajy men vipaksh ki bhi bhumika nibha rahi hai. chahe vo kisanon ka mudda ho ya Mumbai men badh ka, Shivsena BJP aur Phadanvis sarkar par nishana sadhne men kotahi nahin karti hai.

'sarkar ke 3 sal' seshan men Devendra Phadanvis ne NCP ke sath gathabandhan par to kuchh nahin kaha, lekin unhone Uddhav Thakre ko salah de dali ki vo jo kar rahe hain, us par vichar karna chahiye kyonki janta ko yah pasand nahin ayega. BJP CM ka yah spasht sandesh tha ki Uddhav Thakre BJP ka jo virodh kar rahe hain vo pasand nahin aa rahaa hai.

288 siton vali Maharashtra vidhansabha men BJP ke pas 122 siten aur shivsena ke pas 63 siten hain. dusri or Congress ke pas 42 aur NCP ke pas 41 siten hain. Mumbai Manthan men Congress neta Priathviraj Chawhan ne Congress aur NCP ke sath milkar chunav ladne ka avaahan kiya tha. Maharashtra men pichli sarkar NCP aur Congress ki thi. aise men Shivsena ka Congress ki tariph karna Maharashtra ki siyasi bisat par Uddhav Thakre ki chalon ka sanket deta hai.

esi karyakram men Sanjay Raut ke bayan par tanj kaste huye BJP neta Vinod Tavade ne kaha ki enhone UP chunav mein bhi aisi bhavishyavani ki thi. es par Raut ne kaha ki UP chunav men vo galat sabit hua, lekin yahi gathabandhan es desh ki rajniti men aage badhegaa.

No comments:

Post a Comment