Responsive Ads Here

Monday, 16 October 2017

Taj Mahal ko lekar Sangit som ke bayan par owaisi ne pucha- kya P.M. Modi lal kile par Rashtriy Jhanda phahrana band karenge




Haidrabaad: Bhartiy jantaa paarti (BJP) ke vidhayak Sangit som ke Tajamahal ko 'Gaddaron' dvara banaya jaane ke bayaan par pratikriya dete hua AIMIM adhyaksh Asaduddin owaisi ne saval puchha hai ki kya Prdhanamantri Narendra modi lal kile par Rashtriy jhandaa phahrana band karenge.
Haidraabaad ke saansad Ovaisi ne kahaa ki yah bahut aashcharyajanak hai ki jisne sanvidhaan ki shapath li hai, vah ahankaar aur agyanta se baat kar raha hai.
Ovaisi ne Patrkaron se kahaa, "agar vah jo kah rahe hain vah sahi hai to Pradhanmantri phir kyon lalkile jaakar jhandaa phahrate hain kyonki laal kila bhi Gaddaron ne banaayaa thaa.'

Unhonne sarkar ko chunauti di ki vah unesko se Tajamahal ko dharohar ki suchi se baahar nikaalne aur videshi paryatkon ko Tajamahal nahin dekhne ke lia kahe.

Ovaisi ne kahaa ki modi ko videshi mehmano se Haidrabad Hous men milna band kar dena chahiye kyonki ese bhi 'Gaddaron' ne banaya tha.

Unhone kaha ki BJP ke neta aise mudde uthakar logon ka dhyaan bhatkana chaahte hain kyonki sarkaar naukri dene, aatankvaad aur chin se nipatne, notbandi  'GST' ke bad jantaa ko ho rahi pareshaniyon se nipatne men viphal rahi hai.
Gaurakshkon ki or se lagatar kia jaa rahe hamlon par unhone chinta jatate hua kaha ki es mamle par modi kaa bayaan keval ek dikhavti baat thi.

Uttar prdesh ke Mukhyamantri Yogi Aaditynaath ke Ayodhyaa men Shri Ram ki vishaal murti kaa nirmaan karvaane ke mudde par unhonne kahaa ki yah sarvochch nyayalay ke us aadesh kaa ullanghan hai jismen kahaa gayaa thaa ki saarvajanik dhan ka prayog pujaa sthal ke nirmaan aur rakh rkhaav ke lia kharch nahin kiyaa ja saktaa. sarkaar ko apna dhyan asptalon ki dashaa sudhaarnaa men lagaanaa chaahia, jahaan  Oxygen aapurti nahin karne ki vajah se kayi bachchon ki maut ho gayi thi.

No comments:

Post a Comment