Wednesday, 22 November 2017

160 KM galat routes par chali gayi train, Maharashtra ke bajay pahunchi MP



New Delhi/Banmor
Kisano ko lekar jaa rahi special train ke saath Railway ki badi laparvahi ka mamla samne aaya hai. Delhi se 2,500 kisano ko lekar Maharashtra ke Kolhapur ke liye ravana hui special train 160 kilometr galat routes par chalkar MP pahunch gayi. yah badi laparvahi hadse ka bhi sabab ban sakti thi. ye kisan Delhi se special train par savar hokar Maharashtra ke liye nikle the, lekin es train ne galat routes le liya. special train ko Uttar Pradesh ke Mathura se hokar Kota, Surat, Mumbai, Pune ke raste Kolhapur jana tha. lekin, galat signal milne ke chalte yah gadi Mathura se Aagra, Gwaliyar hote huve MP ke Muraina zile ke Banmor station tak ja pahunchi.
banmor pahuchne ke bad kisano ko aabhas hua ki vah galat route par aa gaye hai. eske bad unhone train ke driver aur Station master ko eske bare me bataya. train me savar yatri Savarkar Madnaik ne ek News Chanel se batchit me kaha, 'hamara route Mathura se Kota, Surat, Mumbai, Pune ka tha. lekin, Mathura ke station master ne Mathura se aagra ke route par train ko bhej diya aur yah 160 KM safar tay karke Banmor Station tak pahuch gayi. yaha par bhi yatriyo ne hi train ke driver ko bataya ki ham galat route par aa gaye hai. puchne par driver ne bataya ki hame edhar ka signal mila to ham edhar train lekar aa gaye.'

jankari milne ke bad Railway ne Banmor se train ko Gwaliyar ke raste Mathura ke liye ravana kar diya hai. Mathura se yah train vapas Kota, Surat, Mumbai hote huve kolhaapur jaaagi। philhaal es tren ke guruwar subah 6 baje tak Kolhapur pahuchne ki sambhavna hai. train me savar ek any yatri Mahavir Patil ne kaha ki achcha hua ki koi hadsa nahi hua, lekin aisa kuch ho jata to jimmedari kiski hoti.

No comments:

Post a Comment