Thursday, 16 November 2017

Apni hi nabalig sali ko jija ne banaya havas ka shikar, ab hua giraftar


Mumbai ke Bandra me 16 sal ki apni hi sali ke sath kathit taur par balatkar karne ke mamle men guruvar ko ek vyakti ko giraftar kiya gaya.

Mumbai: logo ne ab rishto ki maryada ko bhi khatm kar diya hai. Mumbai ke  Bandra me 16 sal ki apni hi sali ke sath kathit taur par balatkar karne ke mamle me guruvar ko ek vyakti ko giraftar kiya gaya.

Police ne bataya ki aaropi Ershad Siddiqui (28) ne bite ravivar ko apni patni ki choti bahan ka kathit taur par youn utpidan kiya. Police adhikari ke mutabik, Gujrat ke Rajkot me rahne vala aaropi aur uski patni Banda aye the. aaropi ki sas ki kuch din pahle sadak hadse me maut ho gayi thi jiske antim sanskar men shamil hone ke liye vah aaya tha.

unhone bataya ki raviwar ki dopahar men aaropi ne apni sali ka us samay balatkar kiya, jab vo so rahi thi. ghatna ke bad pidita apne padosiyo ke yaha gai aur apni aap-biti unhe batai. unhone police se sampark kiya aur Ershad ke khilaf 1 mamla darj kiya.

adhikari ne bataya ki mamle ki janch ke liye 3 tim gathit ki gayi aur aaropi ko pakadne ke liye Rajkot sahit vibhin jagho par tim bheji gai.

adhikari ne bataya, ‘‘mumbai men Ershad ki maujudgi ke bare men khufiya suchna ke aadhar par police ne ek jal bichaya aur aaj  khar se use giraftar kar liya.’’

No comments:

Post a Comment