Saturday, 4 November 2017

Dengue se Mumbai Me 20 % maute


Reporter, Mumbai : desh ki aarthik Rajdhani Mumbai me Dengue ke dank ka kahar barpa hai. aankado ke anusar Dengue ke marizo ke mamle men Pune, jabki esse hone vali mauton me ke lihaj se Mumbai sabse upar hai. Rajy sarkar ke swasthy vibhag se mile aankado ke anusar es sal 14 October tak Rajy men Dengue se 18 logo ki maut ho chuki hai। esmen se 12 (78 %) keval Mumbai se hai. vahin Dengue ke dank ka shikar huye 3 hajar se adhik log Hospital ke chakkar laga chuke hain. Pune municipal corporation men sabse adhik 822 Dengue ke mamle uprokt samay tak darj kiye ja chuke hai. bata de ki Rajy men 3922 Dengue ke mamle 14 October tak Rajy ke vibhinn municipal corporation men darj ho chuke hain. esme se 788 Mumbai se hain.
mansun ke dauran Machar se hone vali bimariyo ke phailne ki sambhavna charam par hoti hai. aankado par nazar dale, to adhikatar Dengue aur malaria ke mamle saptember men dekhne ko mile hai.
BMC swasthya vibhag ki karykari adhikari doctor Padmja Keskar ne kaha ki kai bar Dengue ke lakshan dikhne ke bad bhi log deri se ilaj ke liye aate hain. esse bimari ka jatilta bahut badh jati hai. aisa bhi dekhne ko aata hai ki jo marij pahle ek bar Dengue ke shikar huye hain, dusri bar jab phir bimar hote hain to log ese sahaj men le lete hai. halaki dobara Dengue ka shikar hone par samasya pahle se adhik jatil aur khatarnak ho sakti hai.
Pichle mahine ke mukable aadhe huye mamle: Mumbai men Dengue ke karan hone vali mauton ka graf bhale upar hain halaki pichhle mahine ki tulna men October men mamlon men aadhi kami darj hui hai. aankado ke anusar saptember men Mumbai men kul 412 Dengue ke mamle aye the, jo October men kam hokar 212 rah gaye. Rajya bhar men es bimari se hui maut ki bat kare to Mumbai men 14, Pune men 2, Kalyan men 1 maut 14 October tak darj ki gayi. Dengue ke alava malaria, swine flu,  ke mamlo men bhi kami aai hai. halaki Gastro ke mamle men badhotri darj hui hai.

Kya kahte hain aankade

corporation ke hisab se  maute

BMC 788 14

PMC 822 2

KDMC 34 1

TMC 165 0


(Rajy men Dengue se kul 18 maute hui hain esmen se 17 Mahanagar Palika shetr se hain )

No comments:

Post a Comment