Responsive Ads Here

Monday, 13 November 2017

Govandi me Samajwadi parti ka safai abhiyan


Mumbai : East upanagar ke Mankhurd Shivaji Nagar me Samajwadi parti ne saf-safai abhiyan chalaya, jisme logo ne badi sankhya me bhag liya aur sthaniy parisar ko saf suthra rakhne tatha safai karne vale manpa karmiyo ke madad ka aashvasan diya. sthaniy vidhayak  Samajwadi parti ke neta Abu Aasim Aazmi ne saf-safai abhiyan ka muaayna kiya.

Mankhurd ka ek bada hissa gandagi ke liye jana jata hai. en jagao me saf-safai ka prachar-prasar kabhi kabhi hi kiya jata hai. safai ke prati logo me jagrukta badhane ke nirnay ke tahat es jagah men saf-safai abhiyan shuru kiya gaya. safai abhiyan ke dauran Aazmi ne sthaniy rahivasiyo se nagri suvidhao ki jankari li. Aazmi ne unki samasyao ko hal karne ka aashvasan diya. kai sthano par gatar ke dhakkan tute paye gaye, jise tatkal durust karne ka nirdesh BMC prashasan ko diya. es dauran Aazmi ne sthaniy nagariko se apil ki ki ve apne-apne parisar ko saf suthra rakhe, taki bimari se bach sake. es abhiyan men sthaniy rahivasi badh chadh kar shamil ho rahe hai.

No comments:

Post a Comment