Responsive Ads Here

Tuesday, 21 November 2017

Mumbai: compressor phatne se hua dhamaka, karmchari ka pair katkar hua alag


Mumbai:Mumbai ke Dombiwali elake me sthit ek factory me compressor phatne se ek karmchari ne apna 1 pair kho diya. jankari ke mutabik, Dombiwali East me MIDC sthit 1 company 'Alufin' me high pressure par compressor phatne se vaha karyarat 1  59 sal ke shakhs ka pair katkar alag ho gaya. Police aur fire karmchariyo ne lagbhag 1 ghante tak uske kate huwe pair ko vahan se dhundh kar nikala. shakhs ki halat gambhir batai ja rahi hai aur use philhal Dombiwali east ke ams Hospital me bharti karaya gaya hai.

Police ke anusar, "yah ghatna somwar ki subah Manpada ke MIDC men Alufin company me ghati. Alufin company me aluminium shit me pawder ki coting karne ka kam kiya jata hai. Police ne bataya ki 1 sthaniy ne 10:15  baje call kar unhe ghatna ki jankari di. ham jaise hi vaha pahuche hamne dekha ki vaha 1 air compressor blast hua hai." Fire karmchari Suresh Shinde ne bataya ki high pressure ke karan compressor me dhamaka hua."

Shinde ne aage bataya ki ghatna ke samay vaha suraksha guard sahit kul 5 log the. 3 varkar bahar the tabhi 59 sal ke Rajendra Javle compressor ke pas (band ya chalu karne yah saf nahi hai) gaye. esi samay yah blast ho gaya jisme Rajendr ne apna ek pair kho diya. hamne ghatnasthal par pahuchkar baki ghaylo ko dhundhane ki koshish ki lekin hame vahan tares par Rajendra ka kata hua pair mila.
sutro ke anusar, Rajendra ki halat kafhi gambhir batai ja rahi hai. baki varkar Rajakumar Chauhan bhi ghayal hai. bataya jata hai ki dhamake ke bad compressor ka bada bhag bahar bhi aa gira jisse sadak par ja rahe do Bickar Husain Mujawar aur Satish Patil ko bhi chote aai.  Varishth Police Enspecter G. Gabdule ne es mamle me company ke maliko ka company ki taraf upeksha ka aarop lagate huwe prathmiki darj ki hai.

No comments:

Post a Comment