Responsive Ads Here

Wednesday, 1 November 2017

Mumbai me upnagriy marg par 10 mahine ke dauran 2500 logon ki maut


Rail Prashasan ki apil ko ansuna kar rahe log

Mumbai: Mumbai ki lifeline kahi jane vali local train death line banti ja rahi hai. Mumbai ke upnagriy local marg par badhti yatriyon ki sankhya, Rail patri par karne ki koshish, bhid se bhara local train, es vajahse upnagriy marg par hone vali durghatnao men marne valon ki sankhya nishchit rup se chinta ka vishay banta ja raha hai. bite 10 mahino ke dauran madhya, paschim, harbour our trans harbour marg par 2472 logon ki maut hone ki khabar samne aai hai, jabaki ghaylon ki sankhya 2834 hai. Rail Police ke aankade batate hain ki upnagriy marg par har varsh marne valon ki sankhya men lagatar badhotri dekhi ja rahi hai. sabse adhik maut Rail patri par karne se ho rahi hai. darasal shortcut ke chakkar men log apni jan gava rahe hain. Police ke aankado par najar daudaye to sabse adhik maut Kalyan Rail Police Thana shetra me hui hai. pichle 10 mahino ke dauran yahan 305 logon ki maut hui hai.

kitne logon ne ganvaai jaan

Bite 3 salon ki bat kare to kul 9,946 logo ki maut hui hai aur 10,101 log ghayal huye hai. Rail Police ke aankado ke mutabik sal 2016 men 3208 logon ki maut hui aur 3451 log ghayal huye hain, sal 2015 men 3305 logon ki maut hui aur 3351 log ghayal huye hain jabaki sal 2014 men 3429 logon ki maut hui aur 3299 log ghaayal hua hain.

Rail Prashasan ki apil ko ansuna kar rahe log


Aashchary ki bat yah hai ki lagatar Rail Prashasan logo ko jagaruk karte huye apil karta hai ki log Rail patri par n karen, traino ki chato par yatra n kare, bhid-bhad vali local traino men get par khade na ho our chalti local traino me na chdhe aur utre. lekin logon dvara Rail Prashasan ki apil ko ansuna kiya ja raha hai jiske chalte ve maut ke aagosh men sama rahe hain.

No comments:

Post a Comment