Saturday, 11 November 2017

Mumbai Police ki sharmnak harkat : car me bache Ko dudh pila Rahi thi mahila, crane se utha ke Gaye gadi


Mumbai traffic police ki sharmnak harkat ka ek video viral ho raha hai. esme traffic police ek aisi car ko utha le gayi, jismen pichhli sit par ek mahila apne bache ko dudh pila rahi thi. vaha maujud log traffic police ko aisa karne se rokte rahe, lekin eska police par koi asar nahin hua. es pure ghatnakram ka ek shakhs ne video bana liya. es mamle me ek constable ko suspend kar diya gaya hai.

Mumbai police ne thahraya sahi

ghatna Mumbai ke malad elake ki batai ja rahi hai. sadak kinare khadi car me ek mahila apne bache ko dudh pila rahi thi. tabhi traffic police ke karmchari aye aur crane se car ko utha liya aur chalne lage. es par mahila car ke andar se chillai. mahila ko chillata dekh aaspas ke log bhi traffic police ko rokne lage, lekin police ese ansuna karte huve car khichti chali gayi. mahila kahti rahi ki meri car ke aage do car aur thi, lekin police ne unhe nahi uthaya. vahin traffic police ka kahna tha ki car no parking area men khadi thi. esaliye karvai ki gayi. Mumbai police ka kahna hai ki ye vakya esaliye hua kyonki mahila car uthane ke dauran usme aakar baith gayi.



fine bharne ko taiyar to karvai kyo

1 shakhs es pure ghatnakram ka video banata raha. vah lagatar traffic police ko kahta raha ki agar mahila fine bharne ko taiyar hai to aisa kyon kar rahe ho? agar es harkat se mahila aur bache ki jan chali gayi to eska jimmedar kaun hoga? traffic police karmi ne name plet bhi nahin lagaya tha.

DCP ko janch ka aadesh diya

es mamle men ek constable ko suspend kar diya gaya hai. sath hi joint commissioner of  police ne mamle ki DCP ko janch ka aadesh de diya hai. sath hi ravivar ko report dene ko kaha hai.

Mantri bole- sakht karvai karege

video viral hone par Maharashtra ke Vitt Mantri Sudhir Mungativar ne es mamle men sakht karvai karne ka bharosa diya hai. unhone kaha ki ve es mamle ke bare men abhi nahi jante, lekin es mamle men sakht karvai ki jayegi. mahila aur bache ke sath aisi harkat bardasht nahin ki jayegi.

Congress-Shivsena ne bhi narazgi jatai

Congress aur Shivsena ne bhi Mumbai traffic police ki es harkat ki kadi ninda ki hai. Shivsena neta Arvind Savant ne kaha ki car me mahila aur bache ke hone ke bad bhi police es tarah ka action kaise le sakti hai. unhone es mamle men kadi karvai karne ki mang ki hai.

No comments:

Post a Comment