Tuesday, 28 November 2017

Mumbai: yuvak ke upar se train guzri, bach gaya zinda



MUMBAI:'jako rakhe saiya, mar sake na koi' yeh kahavat ek bar phir sach sabit ho gai Mumbai me rahne vale 24 sal ke Mustafa Edaris Shaikh ne T.T. se bachne ke liye Mangalwar ko jan jokhim me dalte huve chalti train se chalang lagakar utarne ki koshish ki. es dauran vah track par gir gaya aur uske upar se train gujar gayi. es ghatna me uska hath tut gaya hai our ilaj chal raha hai.


bata den, jis jagah Mustafa ke upar se train gujri, usi ke pas me ek Masjid bhi hai. ab Mustafa ke parijano ko aisa lag raha hai ki Allah ne hi uski jan bachai hai. uska chamatkari tarike se bach jana sabhi ke liye charcha ka vishay bana hua hai.
aise hua hadsa Mustafa CST ki or se train se aa rahe the. unhone T.T. ko Masjid ke pas khade dekha to train se chalang laga di. esse uska pair phisla aur vah sidhe track par gir gaya aur train uske upar se guzar gayi. yah ghatna Mangalwar subah 10.30 baje ki hai.

logo ne Mustafa ko train ke niche girte dekha tha jisse vahan par kafi bhid jama ho gayi. train nikalne ke bad sab us samay hairan rah gaye jab unhone track par Mustafa ko sahi salamat dekha. bhid ko dekh Mustafa bhi khada ho gaya. Train ke niche aane par usko mamuli choten aai thi. uske ek hath men fracture aa gaya hai jiska ilaj cent jours hospital men chal raha hai.



es ghatna ke bare me RPF ke Sub-inspector S.K. Yadav ne bataya ki "unhe vishvas hi nahi ho raha hai ki Mustafa bach gaya. es tarah ki ghatna me ensan ka bachna namumakin hota hai." Central railway ke chief public officer Suni Udasi ne kaha ki " logo ko es tarah ki galti karne se bachna hoga. aap jaldbaji me apni jan ke sath khilvad n kare."

No comments:

Post a Comment