Sunday, 12 November 2017

Mumbai:FB par likha- ja raha hun marne, khud ko aag lagai our police station me ghus gaya


Mumbai: shahar se chand kilomitar dur vasai me ek shakhs ne DYSP karyalay ke bahar khud ko aag lagakar suicide kar liya. ghatna 10 tarik sham 6 baje ke aas-pas ki hai. 


lekin ab es mamle me jo jankari samne aai hai vo hairan karne vali hai. police ka dava hai yuvak sirf suicide karne nahi aaya tha balki uski planning thi ki vo apne sath police adhikari ko bhi jala kar marna chahta tha. 

Facebook par likha, "main jan dene ja raha hun"



suicide karne vale yuvak ki pahchan Vikas Zha (23) ke taur par hui hai. khud ko aag lagane se pahle Vikas ne apne Facebook acaunt pe  likha tha 

"mai jan de raha hun"

eske baad vah DYSP office pahuncha aur khud par petrol chhidk aag laga li. eske bad vah jalte huye sidhe police adhikari Raj Tilak Roshan ke karyalay men ghusa aur unhe pakadne ki koshish karne laga.


Raj Tilak ne Vikas ko kamre me aate huve dekh liya tha aur vah teji se bahar bhag gaye. es tarah se unki jan bach gai.
karyalay men maujud Vasai ke Police Nirikshak Vishvas Dalvi ne yuvak ke upar mitti dalkar aag ko bujhane ki koshish ki. lekin yuvak ne unhe bhi dhakka de diya.
phir kisi tarah vahan maujud logo ne Vikas ke upar pani dalkar aag ko bujhaya aur use Hospital men bharti karaya. jahan elaj ke dauran uski maut ho gai.



Vikas par darj the kai mamle

jankari ke mutabik, Vikas Jha Virar ke Phulpada elake ka rahne vala tha. vah Hitendra Thakur ki parti se bhi juda hua hai. police ki mane to mritak apradhik  tha.
uske upar Vasai Virar me kai apradhik mamle bhi darj the. police sutro ki mane to use jald hi en sab mamlo ko lekar police use tadipar karne vali thi. jisse vo kafhi pareshan tha.
police ka kahna hai ki en sab se chutkara pane ke liye usne ye kadam uthaya.

vahi yuvak ke pita ka kahna hai ki unke bete par lagaye gaye sabhi aarop jhuthe hai. Palghar police har bar uske upar jhutha  kes banakar use phasane ki koshish kar rahi thi. jisse tang aakar usne ye kadam uthaya hai.




No comments:

Post a Comment