Friday, 17 November 2017

Paytm aur ICICI bank ne kiya karar, 20 hazar rupaye tak ka milega Digital credit



New Delhi : Private sector ke bank ICICI ne Paytm ke sath milkar 1 karar kiya hai, jiske tahat bina interest ka chota loan diya jayega. eske liye aapko ICICI bank ka customer hona hoga. eske bad yadi aap 20 hazar rupaye tak ki kharidari Paytm ke zariye loan lekar karte hai, to aapko 45 dino tak koi interest nahi dena hoga.

New seva ke jariye ab koi bhi roz-marra ki chizon ka payment karne ke liye 20,000 rupaye tak Digital credit milega. es new seva ko postpaid seva name diya gaya hai. eski madad se upbhokta apni zarurto ki chize jaise bijli-pani ka bil Digital credit par mile es loan se kar sakege.

bank ke mutabik, 45 dino ke bad yadi paisa vapas nahi kiya jata hai to customer ko 50 rupaye let fice aur 3% interest ke sath rakam lautani hogi. Paytm-ICICI bank postpaid name ka ye Digital account turant activet ho jayega aur bank ka dava hai ki jarurat padne par grahko ko turant paisa transfer ho jayega.

1 bar me aap 20 hazar rupaye tak ka loan le sakte hai aur agli bar eska estemal bakaya chukta hone par hi kar sakte hain. loan kitni bar le sakte hai es par koi sima nahi hai, lekin Paytm-ICICI bank Postpaid card par bakaya rashi limit tay hai.

Paytm-ICICI bank Postpaid ke liye kisi documenteshn ya bank branch men jane ki jarurat nahi hai. yah ek private credit card ki tarah kam karta hai. es sarvice ke tahat ICICI bank grahko ko 3000 rupaye se lekar 20,000 rupaye tak ka credit mil sakta hai. halaki, yah limit grahak ke credit score par nirbhar karegi. jiska credit score jitna achcha hoga, use utna jyada loan milega.

No comments:

Post a Comment