Responsive Ads Here

Friday, 10 November 2017

Thane: Police adhikari ne Hotel manager Ko thappad mara



Thane shahar me 1 police adhikari ne hotel manager ko thappad jad diya. yah harkat hotel men lage CCTV camere men kaid ho gai. Thane police Aayuktalay ke Shrinagar Police steshan ke antargat Police nirikshak Ashok Saykar der rat hotel band karane gaye the.

jankari ke anusar, shahar ke shrinagar parisar sthit hotel Durgaprasad Shreya me 5 November ki rat police nirikshak Ashok Saykar 2 poliskarmiyo ke sath pahuche. unhone karmchariyo se hotel band karne ko kaha. Caunter par baithe Harish Shetti ne saykar ko bataya ki hotel 1:30 baje tak band karne ki anumati hai. es par bahas hone lagi aur gussaye Ashok Saykar ne maneger ko tamacha mar diya. eske bad caunter ki dusri taraph hotel valon ke sath hathapai ki. tamacha marne ki vardat CCTV camere men kaid hui hai. hotel malik ne Ashok Saykar ke khilafh karvai ki mang karte huye Thane ke Police aayukt sahit anya adhikariyo se shikayat ki hai. halaki ab tak adhikari par koi karvai nahi hui hai. bataya ja raha hai ki hotel and bar ko 1:30 baje band karne ka aadesh hai, jabaki police  12:30 baje hi band karane par adi thi.

bata den ki kuch din pahle Thane ke Kalwa sthit ek hotal men ek policekarmi ne bil men discount ki mang ko lekar hotel karmchariyon ki pitai kar di thi. vo ghatna bhi CCTV me kaid hui thi. mamle me aaropi policekarmi ko nilambit kar diya gaya tha.

No comments:

Post a Comment