Responsive Ads Here

Friday, 3 November 2017

Toll plaza par rukakar nahin bharna hoga toll, ye device kar dega kam


Jab kabhi aap safar par nikalte hain ya office jate hain, to aapko toll plaza par toll bharne ke liye rukna padta hai. yahan par kafhi samay kharch ho jata hai.


lekin agar aapki car par ek device laga hoga, to aapko toll plaza par kabhi rukna nahi padega. aap bina ruke toll plaza se nikal sakte hain aur ye device apne aap aapka toll bhar dega. 


ham bat kar rahe hain Fastag ki. Parivahan Mantralay ne 1 Disember ke bad har new car par es device ko laganaa anivary kar diya hai. eske liye Mantralay ne car company ko saf nirdesh diya hai ki ve har car par Fastag lagaye. 


agar car companya ye device new caron par nahin lagati hain, to eske bad aapko khud ye device car par lagvana hoga. Mantralay ka ye nirdesh sabhi 4 pahiyo vale vahno ke liye hai. aage ham bataa rahe hain ki kya hai Fastag aur kaise aap ese le sakte hain aur use kar sakte hai. 


Fastag ki suvidha National Highway Authority of India (NHAI) ki taraph se shuru ki gayi hai. ese use karne se aapko n sirf toll plaza par khade rahne se nijat milega, balk‍i aap toll par hone vale kharch men bhi kami kar payenge.


aap es device ko toll plaza se aur Banko se le sakte hai. SBI samet desh ke lagbhag sabhi bade Bank aapko Fastag muhaiya karte hain. NHAI ke mutabik eski validity 5 sal tak hoti hai.  


es device ko ab aap sabhi Rashtriya Rajmargo par estemal kar sakenge. NHAI ne October men hi Rashtriya Rajmargo par stit sabhi toll plaza men eski vyavastha kar di hai. 



Kya hai Fastag
Fastag ek smart device hai, jo aap apne Bank se le sakte hai. yah aapke Bank account se link hota hai. ese aapko apni car ke windscreen par lagana hota hai. 


jin toll plaza par  Fastag  device laga hota hai, vaha aapko sirf uske karib se guzarna padta hai aur device censor ki madad se windscreen par lage device ko padh leta hai aur aapka toll bhar deta hai.



aapki gadi par laga Fastag  device aapke Bank khate se juda hota hai. yah sidhe aapke khate se toll bharta hai. toll bharne ke bad aapke registered number par sms bhi aa jata hai. 



Fastag lene ke liye aapko ek choti si fees apne Bank ko deni hoti hai. yah fees 100 se 200 rupye tak ho sakti hai. aapko ese samay-samay par recharge karna hota hai.



Fastag ko use karne ke liye aapko Banko se cashback jaise kai offers milte hain. jaise ki SBI aur IDFC Bank aapko toll pement par 7.5 phisadi cashback deta hai. 


Fastag lene ke liye aapko apne Bank se sampark karna hoga. ese lene ke liye aapka sambandhit Bank men account hona jaruri hai. 

No comments:

Post a Comment