Tuesday, 5 December 2017

Kachra phekne ko lekar Ma se lada Beta, phir khud ko chaku markar ki aatmhatya



Thane: Maharashtra ke Thane me  17 sal ke ladke ne mamuli bat ke chalte khud ko chaku ghopkar aatmahatya kar li. Ma ne ghar ka kachra bahar phekne ko kaha, es bat se ladke ko itna gussa aaya ki ghar men sabji katnevale chaku se khud par var karke usne aatmahatya kar li. ye ghatna Thane ke Bhivandi Tahsil ke Mithpada Shelar gao me ghati hai. Ritik Arun Kumar Tati nam ke es schooli chhatra ne aatmahatya karne se pahle ek bar bhi nahi socha. Ritik apne mata pita ka 1 hi beta tha aur 10 class men padh raha tha.


Ghar ka kachra bana maut ki vajah

Ritik ki Ma ne ghar ka kachra bahar phekne ko kaha tha, es bat ko lekar Ma-Bete me kafi vivad hua. Ritik ne kachra uthane se Inkar kar diya tha. Ma-Bete men es bat ko lekar itna vivad hua ki Ritik Kitchen me jakar sabji katne ka chaku laya aur apne hi hath se chati par kafi var kia. Ritik khun se lathpath ho gaya tha.

Ma ki dat par de di jan

Ritik ki aisi halat dekhakar Ma kafi ghabra gayi aur aas-pados me madad ke liye aawaz di. padosiyo ki madad se Ritik ko ilaj ke liye bharti karaya gaya. Ritik ko INDRA GANDHI Upazila Hospital me bharti kiya tha, lekin Doctorone ne Ritik ko mrit ghoshit kiya. Ritik ki maut se Mata-Pita ko kafi gahra sadma laga hai, Mata-Pita ne kabhi nahi socha tha ki chhoti si bat ke lia Ritik itna bada kadam uthayega.


Police lagayegi pata, kya hai asali vajah

Bhivandi Tahsil Police station me mamla darj kiya gaya hai aur Poloce mamle ki jach kar rahi hai. ye jankari Upanirikshak Motiram Pawar kar rahe hai. unka manna hai ki es aatmahatya ka pench kisi aur bat par bhi tika ho sakta hai, jiske chalte vo es mamle ko bariki se jachege.

No comments:

Post a Comment