Saturday, 9 December 2017

Muh band rakhe Udhav, varna sab khulasa kar duga: Narayan Rane


Mumbai
Maharashtra ke purv mukhyamantri Narayan Rane ne shaniwar ko Shivsena Adhyaksh Udhav Thakre ko apna muh band rakhne ke liye kaha aur sath hi aisa nahi karne ki sthiti me sab kuch khulasa kar dene ki dhamki bhi di. es dauran Rane ne yah bhi kaha ki agar Thakre ne aisa nahi kiya to unhe eske parinam unhe bhugatne pdege.
Rane ne chetavni dete huve Thakre ke us aarop se enkar kiya, jisme unhone aarop lagaya hai ki Rane ne Divangat Balasaheb Thakre ka utpidan kiya tha. unhone kaha ki maine apni aankho se dekha hai ki kaise Udhav our unke pariwar ne Balasaheb ko utpidit kiya hai. agar vah apna muh band nahi rakhege aur mere khilaf Sharyantra karege to mai unhe badnam karne men sankoch nahi karuga.
mujh par lagaye gaye sare aarop galat
Rane ne kaha, 'jab Balasaheb zinda the, maine kisi bhi tarah se unhe mushkil men nahi dala. mai unke ghar me ho rahi sabhi gatividhiyo kaa gavah raha hu aur mai sach men sabkuch khulasa kar dunga. unhone kaha ki mai pahle bhi bol chuka hu ki unke dvara mujhapar lagaye sare aarop galat hai. Rane ka bayan aise samay aaya hai jab Rane ko BJP ki sarkar ke Mantrimandal me shamil karne ki bat kahi ja rahi hai.

september me Rane ne banai thi nai parti
gaurtalab hai ki Rane ne es varsh september me Congress ka sath chodkar Maharashtra Svabhiman Parti ka gathan kar liya tha. eske bad unhone kendra our rajya me NDA ke sath gathabandhan kar liya tha. jankari ke mutabik BJP aur Rane ke bich Vidhan Parishad chunav me unhe ummidvar banane aur Maharatra Sarkar me mantri pad dene ki shart par sahamati hui thi.

No comments:

Post a Comment